Vahi kahaani phir ek baar,
Boxoffice par aayi ek aur dahaad,
Samajh na aaya kisiko, kyun, hai na mere yaar
Ruk ke socha aisa kyun?
Kyun, review, view, new.
Ji main writer hoon malik, kalam utha kar nayi cheezein phir se likhunga. Kayin baar story nayi, to kabhi storytelling nayi karunga. Lekin, phir se karunga, phir se karunga, phir se karunga.
Achha beta, story nahin to storytelling. Kabhi idhar to kabhi udhar. Yeh le 2.5 star.
Par kyun maalik. Kya vahi nahin hoti kahaani. Jise hum kabhi vaise to kabhi aise hain sunaate. Kya har kahaani mein twist add karna padega, karna padega, karna padega kya?
Kya shuruaat mein hi nahin ikhtilaah kar diya, ki iss film ka tareeka naya hai.
Hai Heer-Ranjha hi yeh. Par Ranjha Ved hai aur, Heer uski Kahaaniyaan. Ram vo hai, aur bachpan uski Seeta. Majnu vo hai, aur Laila uski Tara.
Shuru huyi katha yeh, Corsica mein Ved ko Tara se milne pe. Ved ne kaha chhodo puraani-kal ki baatein, aao sanjooyein aaj jo hai. kyun nahin, kaha Tara ne. Par aage dekha to tha kuch nahin, mirage tha. Thi ret, laga paani. Par jab pyaar se dekha, tab pata chala, na paani, na ret. Tha bavandar, ek saanp ke saath. Phir huyi shuru ek luka-chhupi ki katha. Jismein Ved ko apna chhupa hua sab kuch mila.
Tirkit taal se jo chali kahaani, matargashti karte huye, heer ko sad kar gayi lekin, jab tak tum saath the, safarnama yun guzar gaya. Har gaanon ne kahaani bataayi apni. Sirf, dhang, rang aur saadhan the alag. Kabhi baba, kabhi khud Heer-Ranjha, kabhi kuch Punjabi to kabhi, dard.
Ved na hi tha pagal, Ved na hi tha alag. Ved jaisa hai, vaise hain hum. Ved jis sheeshe ko tha dekhta. Sheesha kahin vo hum to nahin. Humein hi vo dekhkar apne aap ko samjhaata raha, “Nahin, mujhe bhi bhed-chaal hai chalni. Kyunki laga use sahi tareeka hai vahi jeena ka”. Humein dekhkar.
Sheesha jis mein vo tha dekha karta, aur manaata apne aapko darta darta, vo dikha akhiri kuch palon mein bhi tha. Har baar ki tarah par Ved na tha uske saamne iss baar, the pita uske, jinhein vo katha raha tha suna. Iss baar sheeshe se rakhi thi kar usne peeth, aur saamne the pita uske. Peeth uske compromise ne kar rakhi thi, aur raha tha sheeshe ko dekh aane vala kal ka ujaala.
Imtiaz Ali ki iss story telling ki daad di jaaye tab bhi hai kam. Tamasha ne badli hai yeh duniya kala ki. Iss par agar hum huye sehmat nahin, to mar jaayega yeh naya tareeka, aur mar jaayegi kala